सडक सुरक्षा

मोटरसाईकल चलाउँदा सधै हेलमेटको प्रयोग गर्नुका साथै फित्ता पनि राम्रो संग बाँध्ने गरौं ।

सवारी चलाउँदा Bill Book, Licence अनिवार्य रूपमा साथमा बोक्ने गरौं ।

ट्राफिक संकेत र चिन्हहरूको पालना गरौ ।

पैदलयात्रुलाई जेब्राक्रसिङ्गमा पहिलो प्राथमिकता दिऔ ।

लेन अनुशासन को पालना गरौं ।

मादक पदार्थ तथा लागु औषध सेवन गरी सवारी नचलाऔं ।

तिव्र गती र जिक जाक गरी सवारी नचलाऔं ।

प्रतिस्पर्धा र लापरवाहीसाथ सवारी नचलाऔं ।

ठूलो आवाज तथा ध्वनि प्रदूषण गर्ने सवारी नचलाऔं ।

दाहिनेबाट वा सुरक्षित अवस्थामा मात्र ओभरटेक गरौं ।

सडकमा धैर्यता राखौं, अनावश्यक हर्न नबजाऔं ।

सवारी चलाउँदा मोबाईल फोन का प्रयोग नगरौं ।

सवारी चलाउँदा सुरक्षित दुरी कायम गरी चलाऔं ।

लेन परिवर्तन गर्दा, दाहिने/बाँया मोड्दा या ओभरटेक गर्दा साईड मिरर र साईड लाईट सधै प्रयोग गरौं ।

चोक, जंक्शन र धुम्तीमा ओभरटेक नगरौं ।

गोल घुम्ती, चौबाटो र मुल सडकको सवारीलाई प्राथमिकता दिऔं ।

रातको समयमा हाई लाईट बालेर सवारी नचलाऔं ।

पैदलयात्रीले जेब्राक्रसिङ्ग र आकाशेपुलबाट मात्रै बाटो काटौं ।

बाटो काट्दा सडक र दुई तर्फको सवारीको गति र अवस्था हेरेर मात्र बाटो काटौं ।

ट्राफिक बत्ति वा ट्राफिक प्रहरीको ईशारा अनुसार सवारी साधन रोकेको अवस्थामा मात्र बाटो काटौं ।

बाटो काट्दा समूह बनाएर मात्र पंक्तिमा बाटो काटौं ।

बाटो काट्दा मोबाईल फोन प्रयोग, साथीसंग गफगाफ वा अन्य अशोभनिय हर्कत नगरौं ।

सवारी चाप र गती बढी भएको स्थानबाट बाटो नकाटौ ।

पैदलयात्रुले सडकको प्रयोग गर्दा जहिले पनि सडक पेटी भएको स्थानमा सडक पेटी र नभएको सडक सडकको दाहिने किनारा प्रयोग गरौं ।

जेब्राक्रसिङ्ग र आकाशेपुल नभएको स्थानहरूमा बाटो काट्नु पर्ने भएमा सड़क खाली भएको वा सवारीको गति कम भएको अवस्थामा समूह बनाएर सवारी चालकलाई हातले रोक्ने संकेत दिएर मात्रै बाटो काटौं ।

सडक पेटी तथा जेब्राक्रसिङ्गको प्रयोग गर्दा अरूलाई वेवास्ता गरी तछाड मछाड गर्दै बाटो नकाटौं ।

रातको समयमा हिंड्दा चम्कने वा टल्किने लुगाको प्रयोग गर्नुहोस् ।

बालबालिकालाई सडकको बाहिरी किनारातर्फ हात समाएर हिँडाउनुहोस् तर एक्लै सडकमा नछोड्नुहोस् ।